Bakı Ağır Cinayətlər Məhkəməsində arvadını çəkiclə öldürmək istəyən şəxsin cinayət işi üzrə məhkəmə prosesi başlayır. Bu haqda bu gün, 10 fevral tarixində APA məlumat verib.
Cinayət işinə hakim Faiq Qəniyev tərəfindən baxılacaq. Məhkəmənin keçirilmə vaxtı hələlik məlum deyil.
Ötən il oktyabrın 25-də Binəqədi rayonu, Biləcəri qəsəbəsində 64 yaşlı Sərdar Namazov arvadı, 52 yaşlı Gülnarə Namazovanı öldürməyə cəhd etmişdir. Mübahisə zamanı o, arvadının baş nahiyəsinə çəkiclə çoxsaylı zərbələr vurmuşdur. Sərdar Namazov saxlanılaraq istintaqa cəlb olunmuşdur.
