Bakının Qaradağ rayonu, Bakı-Ələt-Qazax yolunda xəsarətlə nəticələnən yol-nəqliyyat hadisəsi baş verib. Bu haqda 7 avqust tarixində Report məlumat verib.
Qəza yanacaqdoldurma məntəqəsindən magistral yola çıxanda minik avtomobilinin 164 saylı avtobusa yol verməməsi səbəbindən baş verib.
Toqquşma nəticəsində 34 yaşlı Elvin Mürşüdov ağır vəziyyətdə Kliniki Tibbi Mərkəzə (KTM) çatdırılıb. KTM-in İctimaiyyətlə əlaqələr bölməsinin müdiri Elnur Hidayətoğlunun sözlərinə görə, Elvin Mürşüdov ağır kəllə-beyin travması diaqnozu ilə mərkəzin reanimasiya şöbəsinə yerləşdirilib. Vəziyyəti kəskin ağırdır, əməliyyata götürülmə ehtimalı yüksəkdir.
11:07 - Yenilənib
Qaradağ rayonunda baş vermiş qəza nəticəsində bir nəfər ölüb, bir nəfər isə yaralanıb. Belə ki, minik avtomobilinin sürücüsü Elvin Mürşüdov ağır vəziyyətdə Kliniki Tibbi Mərkəzə (KTM) yerləşdirilib, sərnişini Sevinc Mürşüdova isə dünyasını dəyişib.
