Bakının iki rayonunda gecə saatlarında iki avtomobil və bir qaraj yanıb. Bu haqda bu gün, 25 avqust tarixində Fövqəladə Hallar Nazirliyinin (FHN) mətbuat xidməti məlumat verib.
Binəqədi rayonunda ümumi sahəsi 60 kv.m olan qarajın içərisində “Hyundai” markalı minik avtomobilinin salonu və mühərrik hissəsi, avtomobil ehtiyat hissələri və 1 ədəd kombi aparatı yanıb. Yüksək temperatur nəticəsində qarajın və bitişik sahənin lambirdən ibarət tavanı əriyib.
Daha bir oxşar hadisə Sabunçu rayonunda baş verib. “Mitsubishi” markalı minik avtomobilinin mühərrik hissəsi yanıb.
Hər iki alışma FHN-in əməkdaşları tərəfindən söndürülüb. Xəsarət alan olmayıb.
