Bakının Binəqədi rayonu, Biləcəri qəsəbəsində vaqon təmiri zavodunun gözətçisinə xəsarət yetirməkdə və soyğunçuluq əməlini törətməkdə təqsirləndirilən şəxsə hökm oxunub. Bu haqda bu gün, 9 sentyabr tarixində Bakuplus.az Oxu.az-a istinadən məlumat verir.
Cinayət işi Bakı Ağır Cinayətlər Məhkəməsində araşdırılıb. Samir Xudaverdiyev silah və ya silah qismində əşyalar tətbiq edilməklə quldurluq etməkdə təqsirli bilinərək 10 il müddətinə azadlıqdan məhrum olunub.
Məhkəmə prosesi zamanı məlum olub ki, həmin şəxs hazırda təqsirləndirildiyi cinayətin törədilməsinə 6 ay qalmış azadlıqdan məhrumetmə yerlərindən azad edilib. O, son cinayətinə görə cəzasını xüsusi rejimli koloniyada çəkəcək.
Cari ilin yanvar ayının 17-də saat 22:00 radələrində H.Ağayevin baş nahiyəsinə daş parçası ilə xəsarət yetirilərək cibindən 540 manat pul götürülmüşdür.
Polis əməkdaşları tərəfindən aparılan əməliyyat-axtarış tədbirləri nəticəsində əvvəllər soyğunçuluq və quldurluğa görə məhkum olunmuş Samir Xudaverdiyev müəyyən edilərək saxlanılmışdır.
[caption id="attachment_69043" align="alignnone" width="1024"]
Foto Oxu.az saytı[/caption]
