Bakının Binəqədi rayonu, Cəfər Xəndan 42a ünvanında yanğın baş verib. Bu haqda bu gün, 29 iyun tarixində Oxu.az məlumat verib.
Yanğın hündürmərtəbəli binanın birinci mərtəbəsində yerləşən mağazalardan birində baş verib. Hadisə yerinə Fövqəladə Hallar Nazirliyinin (FHN) əməkdaşları cəlb olunublar.
Hazırda yanğınsöndürmə işləri davam etdirilir. Xəbər yenilənəcək.
Yenilənib: 16:27
Binanın xarici divarında reklam lövhəsi yanıb. Yanğın FHN-in briqadaları tərəfindən söndürülüb. Yaşayış binası alovdan mühafizə olunub.
