Bakının Sabunçu rayonu, Pirşağı qəsəbəsində kişi üzərində olan qumbaranı partladıb. Bu haqda bu gün, 24 avqust tarixində Report məlumat verib.
Bu gün səhər saatlarında Ağdam rayon sakini, 39 yaşlı İntizam Nəcəfov ailə münaqişəsi zəminində yaşadığı ünvanda qumbara partladıb və həyat yoldaşı ilə görüşməyi tələb edib.
Həmin şəxsin əlində ikinci qumbara da olduğu və müdaxilə edən polis əməkdaşları tərəfindən zərərsizləşdirildiyi bildirilir.
Hadisə yerində xəsarət alan və yaxud ölən olmayıb. Nəcəfov saxlanılıb.
İlkin məlumata görə, kişi 12 il əvvəl ailəsindən ayrılıb. Birgə nikahdan 3 övladı var.
Faktla bağlı araşdırma aparılır.
