Binəqədi rayonunda polisə tabesizlik göstərən sürücü saxlanılıb. Bu haqda 23 iyun tarixində Bakuplus.az Daxili İşlər Nazirliyinə istinadən xəbər verir.
Biləcəri qəsəbəsi ərazisində iyunun 22-də “Lexus” markalı avtomobilin sürücüsü, Bakı şəhər sakini Hümbət Nəbiyev təhlükəsizlik kəmərindən istifadə etmədiyinə görə Baş Dövlət Yol Polisi İdarəsinin əməkdaşları tərəfindən saxlanılıb.
Polisdə Nəbiyevin narkotik vasitə istifadə etməsinə dair şübhə yaranıb. Onu tibbi müayinəyə aparmaq istəyərkən, sürücü polisin qanuni tələblərinə məhəl qoymayaraq tabesizlik göstərib.
O, saxlanılaraq Binəqədi Rayon Polis İdarəsinin 6-cı Polis Bölməsinə təhvil verilib.
