Paytaxtın Binəqədi rayonu, 8-ci mikrorayon, Əcəmi Naxçıvani küçəsində ağaclar kəsilib. Bu haqda bu gün, 8 sentyabr tarixində Bakuplus.az Oxu.az-a istinadən xəbər verir.
Sakinlərin sözlərinə görə, yeni tikili inşa ediləcəyindən ərazidəki ağaclar gecə saatlarında kəsilib, daha sonra qazıntı işləri görülüb.
“Artıq 2-3 heyva ağacı və başqa iri ağaclar kəsilib. Yerdə qalan 2 çinar da bu gecə kəsilə bilər”, - deyə onlar vurğulayırlar.
Dövlət Ekoloji Təhlükəsizlik Xidmətinin rəsmisi Vaqif Cavadov məsələ ilə bağlı bildirib ki, sözügedən ərazidə 8 ağac qanunsuz olaraq kəsilib və təbiətə 3990 AZN-lik ziyan dəyib. Bununla bağlı toplanmış materiallar Baş Prokurorluğa göndərilib.
[caption id="attachment_68945" align="alignnone" width="1024"]
Foto Baku Tv-nin rəsmi Youtube kanalı[/caption]
