Bakıda 2 oğru saxlanılıb. Bu haqda 17 avqust tarixində Bakuplus.az Daxili İşlər Nazirliyinə istinadən xəbər verir.
Binəqədi rayonunda bir şəxsə zor tətbiq edərək 950 manat pulu soyğunçuluq yolu ilə talanıb. Polis əməkdaşlarının keçirdikləri əməliyyat-axtarış tədbirləri nəticəsində əməli törətməkdə şübhəli bilinən Masallı rayon sakini Q.Həsənov və Cəlilabad rayon sakini N.Zamanlı saxlanılıblar.
Araşdırma zamanı müəyyən olunub ki, N.Zamanlı Mingəçevir şəhər sakini E.Dursunovla birgə rayon ərazisindəki köşklərin birindən 2130 manat pul oğurlayıblar. E.Dursunov da polis əməkdaşları tərəfindən saxlanılıb.
