Bakıda yaşayış binasında yanğın hadisəsi qeydə alınıb. Bu haqda BakuPlus.az Fövqəladə Hallar Nazirliyinin mətbuat xidmətinə istinadən bu gün, 15 avqust tarixində xəbər verir.
Paytaxtın Binəqədi rayonunda doqquzmərtəbəli yaşayış binasının 6-cı mərtəbəsində ümumi sahəsi 75 kv.m olan 4 otaqlı mənzildə çarpayı və divan yanıb.
Hadisə yerinə yanğından mühafizə bölmələri cəlb olunub.
2 nəfər bina sakini yanğınsöndürənlər tərəfindən təhlükəsiz əraziyə təxliyə olunub. Yanğın söndürülüb.
Mənzil yanğından mühafizə olunub.
