Bakının Binəqədi rayonu ərazisində evlərdən oğurluq etməkdə şübhəli bilinən 5 nəfər saxlanılıb. Bu haqda bu gün, 21 iyul tarixində Bakuplus.az Daxili İşlər Nazirliyinə istinadən məlumat verir.
Binəqədi RPİ-nin 7-ci Polis Bölməsinin əməkdaşları tərəfindən evdən 1000 manat və sənəd olan pulqabı oğurlamaqda şübhəli bilinən Y.Əhmədova saxlanılıb.
Binəqədi RPİ-nin 43-cü Polis Bölməsinin əməkdaşları axtarış-əməliyyat tədbirləri keçirərək evlərin birindən 4200 manat dəyərində televizor, 6 ədəd radiator, samovar və məişət əşyaları oğurlamaqda şübhəli bilinən şəxslər - hər ikisi əvvəllər məhkum olunmuş Bakı şəhər sakini V.Bədəlov və Ağdaş rayon sakini S.Əliyev müəyyən edərək saxlayıblar.
Daha bir əməliyyat Binəqədi RPİ-nin 4-cü Polis Şöbəsinin əməkdaşları tərəfindən aparılıb. Belə ki, bir evdən 2680 manat dəyərində kombi, kondisioner, 2 ədəd su mühərriki, borular, M.Ə.Rəsulzadə qəsəbəsi ərazisində isə Bakı şəhər sakini Ş.Haqverdiyevə məxsus açıq sahədən beton istehsal edən avadanlıqları oğurlamaqda şübhəli bilinən İ.Ağayev və N.İmanov saxlanılıblar.
Faktla bağlı araşdırma aparılır.
