Binəqədi rayonu, Biləcəri qəsəbəsi ərazisində piyadaların xəsarət alması ilə nəticələnən yol qəzasını törədən şəxs saxlanılıb. Bu haqda bu gün, 5 fevral tarixində Report məlumat verib.
Paytaxt sakinləri N.Urşanova və S.Süleymanova yolu keçərkən onları avtomobil vurub və dərhal hadisə yerindən yayınıb. Hadisə yerinə təcili tibbi yardım cəlb olunub. Yaralılar aldığı xəsarətlərlə xəstəxaya yerləşdirilib.
Binəqədi RPİ əməkdaşlarının həyata keçirdikləri əməliyyat-axtarış tədbirləri nəticəsində hadisənin “Opel” markalı avtomobilin təqsiri üzündən baş verməsi müəyyən edilib və avtomobili idarə edən Bakı şəhər sakini R.Qafarov saxlanılıb.
Faktla bağlı araşdırma davam etdirilir.
