Bakının Binəqədi rayonu, Bakı-Sumqayıt şosesi, Ekologiya postunun yaxınlığında xəsarətlə nəticələnən zəncirvari qəza baş verib. Bu haqda bu gün, 12 avqust tarixində APA məlumat verib.
Yüksək sürətlə hərəkətdə olan “Chevrolet” markalı avtomobilin sürücüsü “VAZ-2104” markalı nəqliyyat vasitəsinə, o isə zərbənin gücündən irəlidə olan “Toyota” markalı maşına çırpılıb.
Hadisə nəticəsində “VAZ-2104”-ün sürücüsü Naib Əhmədov xəsarət alıb. Sürücüyə tibbi yardım göstərilib. Hər üç nəqliyyat vasitəsinə maddi ziyan dəyib.
Yolun qəza baş verən hissəsində tıxac yaranıb. Hadisə yerinə cəlb olunan yol-patrul xidmətinin əməkdaşları avtomobilləri ərazidən götürərək hərəkəti tənzimləyiblər.
[caption id="attachment_58058" align="alignnone" width="800"]
Foto Apa.az saytı[/caption]
