Bulvarda 3 nəfərin döyülməsi barədə araşdırma aparılır. Bu haqda 4 avqust tarixində APA məlumat verib.
Həkim Esmira Qurbanova sosial şəbəkə səhifələrində paylaşım edərək iddia edib ki, onun övladını, anasını və anasının rəfiqəsini naməlum 5 qadın döyüb.
Daxili İşlər Nazirliyi döyülmə haqqında iddialara münasibət bildirib:
“Dənizkənarı Milli Park ərazisində avqustun 1-də Esmira Qurbanovanın anası İ.Babayeva və anasının rəfiqəsi A.Nəsirovanın tanımadıqları 3 qadınla münaqişəsi baş verib. Tərəflərin xəsarətlərinin müəyyən edilməsi üçün ekspertiza təyin olunub”.
DİN-in Mətbuat Xidmətinin əməkdaşı Nurlan Əliyev əlavə edib ki, araşdırmanın nəticəsindən asılı olaraq, məsələyə hüquqi qiymət veriləcək.
