Nənəsini öldürməkdə təqsirləndirilən Murad İmanovun məhkəmə prosesi başlayır. Bu haqda 2 sentyabr tarixində bizim.media məlumat verib.
Bakı Ağır Cinayətlər Məhkəməsində hakim Siyavuş Hacıyevin sədrliyi ilə baş tutan prosesdə prokuror ittiham aktını elan edib. İmanov elan olunmuş ittiham üzrə özünü təqsirli bilib və törətdiyi əməldən peşman olduğunu deyib.
Belə ki, hadisə Suraxanı rayonunda 2020-ci ilin aprel ayında baş verib. Bakı sakini, 69 yaşlı Natalya Popova nəvəsi, 21 yaşlı Murad İmanov tərəfindən qətlə yetirilib. Məlum olub ki, şəxsi münasibətlər zəminində nənə və nəvə arasında mübahisə düşüb və Murad Natalyanın boğaz nahiyəsinə bıçaqla çoxsaylı xəsarətlər yetirərək onu qəsdən öldürüb.
Məhkəmə prosesində təqsirləndirilən şəxs deyib ki, evdə olan kondisioneri satmaq istəyib, amma nənəsi buna imkan verməyib. Daha sonra İmanov nənəsi ilə eyni evdə yaşamaq istəmədiyini bildirib və onu evdən çıxarmaq istəyib. Bunun üstündə dava düşüb və o, nənəsini bıçaqla vurub.
Faktla bağlı CM-in “Qəsdən adam öldürmə” maddəsi ilə cinayət işi açılıb.
