Rusiyada tutulan şəxs Azərbaycana ekstradisiya edilib. Bu haqda BakuPlus.az Baş Prokurorluğun Mətbuat Xidmətinə istinadən bu gün, 2 sentyabr tarixində xəbər verir.
Bakı şəhəri Nizami Rayon Polis İdarəsinin icraatında olan cinayət işi üzrə Ruslan İbrahimzadənin xeyli miqdarda ziyan vurmaqla təkrarən dələduzluq cinayətini törətmələrinə dair əsaslı şübhələr müəyyən edilib və həmin şəxs barəsində həbs qətimkan tədbiri seçilməklə axtarış elan olunub.
İbrahimzadə Rusiya Federasiyası ərazisində müəyyən edilərək saxlanılıb.
Ötən gün Ədliyyə Nazirliyinin Penitensiar Xidmətinin xüsusi konvoyunun müşayiəti ilə Ruslan İbrahimzadə Rusiyadan Azərbaycana gətirilib.
