“Papanin”də narkotik satan daha bir neçə şəxs tutulub. Bu haqda 7 sentyabr tarixində Report məlumat verib.
Ötən gecə Nəsimi rayonunun “Papanin” kimi tanınan Asəf Zeynallı və Namiq Məlikov küçələrində polis daha bir əməliyyat keçirib. Tədbir zamanı narkotiklərin satışı ilə məşğul olan Murad Muxtarov, Ədalət Camalov, Dilavər Qasımov, Rauf Mirzəyev, Zülfi Xəlfəquliyev və Faiq Sadıqov tutulublar. Həmin şəxslərin hər birindən külli miqdarda heroin, tiryək və psixotrop maddə olan metamfetamin aşkar edilib.
Bu şəxslər barəsində məhkəmənin qərarı ilə həbs qətimkan tədbiri seçilib. Hazırda əməliyyat-istintaq tədbirləri davam etdirilir.
[caption id="attachment_68782" align="alignnone" width="800"]
Foto Report.az saytı[/caption]
