Sabunçu rayonunda narkotik satan və ya üzərində silah saxlayan 23 nəfər tutulub. Bu haqda 8 sentyabr tarixində Report məlumat verib.
Balaxanı, Ramana, Maştağa və Zabrat qəsəbələrində narkotiklərin satışı ilə məşğul olan ümumilikdə 22 nəfər saxlanılıb. Həmin şəxslərin üzərində, yaşadıqları evlərdə 2 kiloqramdan artıq müxtəlif növ narkotik maddə aşkar edilib.
Zabrat qəsəbəsində polisin keçirdiyi daha bir tədbir zamanı əvvəllər məhkum olunmuş Salman Şirinov saxlanılıb. Onun evindən 1 ədəd qundağı və lüləsi kəsilmiş “İJ-18” markalı odlu silah, 7 ədəd patron və 2 ədəd “F-1” markalı qumbara aşkar edilib.
Faktlarla bağlı araşdırma aparılır.
[caption id="attachment_68969" align="alignnone" width="1024"]
Foto Report.az saytı[/caption]
