Paytaxtın Binəqədi rayonu ərazisində avtobus və minik avtomobilinin iştirakı ilə yol-nəqliyyat hadisəsi baş verib. Bu haqda bu gün, 4 fevral tarixində Report məlumat verib.
Qeyd edilir ki, Bakı Mühəndislik Universitetinin "Mühəndislik" fakültəsinin dekan müavini, dosent Osman Mirzəyevin idarə etdiyi avtomobilinə sərnişin avtobusu çırpılıb. Hadisədə xəsarət alan olmayıb, hər iki nəqliyyat vasitəsinə isə maddi ziyan dəyib.
Yol qəzası yerinə Yol polisi şöbəsinin əməkdaşları cəlb olunaraq, baxış keçirilib. Araşdırma nəticəsində məlum olub ki, avtobus sürücüsü manevr qaydalarını kobud şəkildə pozaraq yol-nəqliyyat hadisəsinin səbəbi olub.
Daha sonra tərəflər razılaşıb və Mirzəyevə 800 manat məbləğində maddi ziyan ödənilib.
