Bakıda oğurluqla məşğul olan şəxslər saxlanılıblar. Bu haqda 4 avqust tarixində Bakuplus.az Daxili İşlər Nazirliyinə istinadən xəbər verir.
Sabunçu rayonunda polis əməkdaşlarının keçirdikləri əməliyyat tədbirləri nəticəsində rayon ərazisindəki iki ev və bir avtomobildən 450 manat pul, 1300 manat dəyərində televizor, qızıl, geyim və məişət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş Z.Hüseynov saxlanılıb.
Həmçinin rayon ərazisində müxtəlif vaxtlarda 3 mağazadan pul, 2100 manat dəyərində tütün məmulatı, 3000 manat dəyərində mobil telefonlar və telefon aksesuarları oğurlamaqda şübhəli bilinən Bakı şəhər sakini, əvvəllər məhkum olunan T.Cəfərov saxlanılıb.
Hər iki faktla bağlı araşdırma aparılır.
