Bakının Suraxanı rayonu, Yeni Günəşli qəsəbəsində narkotik vasitələrin təsiri altında olan taksi sürücüsü saxlanılıb. Bu haqda bu gün, 1 sentyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
“Kia” markalı avtomobilin sükanı arxasında olan zaman Qadir Dadaşov nəzarət-yoxlama qaydasında saxlanılıb.
İlkin araşdırma zamanı sürücü avtomobili narkotik vasitə olan heroin qəbul edərək idarə etdiyini etiraf edib. Təyin olunmuş ekspertiza nəticəsində Qədir Dadaşovun avtomobili narkotik vasitə qəbul edərək idarə etməsi sübuta yetirilib.
Sürücü barəsində protokol tərtib edilib. Toplanmış material cinayətə hüquqi qiymət verilməsi üçün məhkəməyə göndərilib.
[caption id="attachment_67556" align="alignnone" width="800"]
Foto DİN-in rəsmi Youtube kanalı[/caption]
