Bakının Xətai rayonu, 8 Noyabr prospektində 22 avqust axşam saatlarında zəncirvari qəza nəticəsində 4 nəfər xəsarət alıb. Bu haqda bu gün, 23 avqust tarixində Bakuplus.az APA-ya istinadən məlumat verir.
"Chevrolet" markalı avtomobil yüksək sürətlə işıq dirəyinə çırpılıb. Zərbənin gücündən idarəetmədən çıxan avtomobil əks yola çıxıb və qarşıdan gələn “Renault” və “Toyota” markalı avtomobillərə çırpılıb. Bundan sonra “Mercedes”, “KİA” və “VAZ” markalı avtomobillər qəzaya uğrayan avtomobillərlə toqquşub.
Yol-nəqliyyat hadisəsi nəticəsində 4 nəfər xəsarət alıb. Bütün yaralılar xəstəxanaya yerləşdirilib.
Hadisə yerinə Xətai rayon polis idarəsinin əməkdaşları cəlb olunublar.
[caption id="attachment_62934" align="alignnone" width="800"]
Foto Apa.az saytı[/caption]
