Bu gün, 7 dekabr tarixində, saat 01:00 radələrində Binəqədi rayonunun Xocəsən qəsəbəsində 58 yaşlı Vasif Fətəliyev bıçaqlanaraq öldürülüb. Bu haqda Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Cinayəti törətməkdə şübhəli bilinən mərhumun qardaşı, 46 yaşlı Bayram Fətəliyev polis əməkdaşları tərəfindən saxlanılıb. Bildirilir ki, hadisə şəxsi münasibətlər zəminində baş verib.
Faktla bağlı Binəqədi rayon prokurorluğunda Cinayət Məcəlləsinin “Qəsdən adam öldürmə” maddəsi ilə cinayət işi açılıb. Hazırda istintaq aparılır.
